«Әділет» Кәсіподағы Нұр-Сұлтан қаласының орта білім беру ұйымдарының бухгалтерлерімен онлайн семинар өткізді.
Семинар барысында «Әділет» Кәсіподағының төрағасы Б. Алиев еңбек заңнамасының нормалары, «Білім туралы» және «Педагог мәртебесі туралы» Заңдары, педагогтерге оның ішінде методистерге еңбекақы төлеу жүйесіндегі қосымша төлемақылардың жаңа түрлері, сонымен қатар білім жүйесінің құқықтық заңнамалық актілерін түсіндірді.
Сонымен қатар ҚР Білім және ғылым министрлігі мен Қазақстандық салалық білім және ғылым қызметкерлері кәсіподағы арасындағы Салалық келісім, Нұр-Сұлтан қ. Білім басқармасы мен «Әділет» Кәсіподағы арасындағы Аумақтық келісім және ұжымдық шарттардың нормалары түсіндірілді.
Қатысушылар Кәсіподақтың қызметі мен мүшелік жарналарды төлеу, бөлу және жұмсау тәртібі туралы Ережемен танысты.
Білім және ғылым вице-министрі Б. А. Асылова және Қазақстандық салалық білім және ғылым қызметкерлері кәсіподағының төрайымы А. М. Мұқашеваның қатысуымен өткен онлайн кездесулердің материалдары негізінде білім беру ұйымдары қызметкерлерінің жалақысын есептеу бойынша әдістемелік ұсынымдардағы сұрақтар мен жауаптар талқыланды.
Іс-шара еркін диалог форматында жүргізілді. Кездесу соңында бухгалтерлер қызықтырған сұрақтарына жауаптарын алды.
