Қазақ халқының ең қастерлі де қадірлі Наурыз мейрамымен баршаңызды шын жүректен құттықтаймыз!
Көктің тынысын тыңдап, жердің тамырын басқан, тұрмыс-тіршілігін табиғат-анамен тығыз байланыстырған халқымыз үшін Наурыз – жаңару мен жасампаздықтың бастауы, ырыc пен берекенің арқауы. Олай болса, Наурыз мейрамы баршаңызға жаңа жетістіктер, молшылық пен татулық әкелсін!
Сиыр жылында ел тыныш, туған жер аман болып, әр отбасында шат көңіл, бақыт және береке салтанат құрсын!
Ұлтымыздың мерейін өсіріп, бар болмысымызды айшықтайтын қасиетті мейрам әрбір отбасына бірлік пен қуаныш, құт-береке, бақыт пен молшылық әкелсін! Ұлыс оң болсын, ақ мол болсын!