Түркістан қаласында “Кәсіподақтың үздік бастауыш ұйымы” республикалық байқауы қорытындыланды.
Іс-шараға Қазақстан Республикасының Кәсіподақтар федерациясының төрағасының орынбасары Г. Жумагельдиева, Қазақстандық салалық білім және ғылым қызметкерлері кәсіподағының төрайымы А. Мұқашева қатысты.
Республикалық байқау қорытындысы бойынша Нұр-Сұлтан қаласының «Әділет» білім беру қызметкерлері кәсіподағының № 80 «Ботақан» балабақшасының бастауыш кәсіподақ ұйымы III орынды жеңіп алды. Бастауыш кәсіподақ ұйымы дипломмен марапатталды және 300 мың теңге сертификат табысталды.
Байқаудың мақсаты - кәсіподақ мүшелерінің еңбек және әлеуметтік-экономикалық құқықтары мен мүдделерін қорғау жөніндегі бастауыш кәсіподақ ұйымдарының қызметін жандандыру; бастауыш кәсіподақ ұйымдарының жарғылық мақсаттар мен міндеттерді орындау жөніндегі жұмыс тиімділігін арттыру; бастауыш кәсіподақ ұйымдарының неғұрлым білікті және белсенді төрағаларының қатарынан кейін оларды сайланбалы кәсіподақ лауазымдарына ұсыну үшін кадрлар резервін құру; еңбек ұжымдарында бастауыш кәсіподақ ұйымдарының беделін арттыру; кәсіподақ мүшелерінің кәсіподақ бірлігі мен ынтымақтастығын дамыту; кәсіподақ жұмысының озық тәжірибелерін тарату мақсатында өткізілді.
№ 80 «Ботақан» балабақшасының бастауыш кәсіподақ ұйымын марапатымен құттықтаймыз.
Аталған республикалық байқауды жоғары деңгейде ұйымдастырған Қазақстандық салалық білім және ғылым қызметкерлері кәсіподағына алғыс білдіреміз.