«Астана дарыны» дарындылықты дамыту және психологиялық сүйемелдеу орталығының ұжымымен кездесу өтті.
Кездесуге «Әділет» Кәсіподағының төрағасы Батыр Әлиев және орталық директоры Гаждембек Турсунов қатысты.
Өз кезегінде Батыр Әлиев «Әділет» Кәсіподағымен атқарылып жатқан жұмыстар және алдағы жоспарлар туралы ақпарат берді. Еңбек заңнамасының нормалары, «Білім туралы» және «Педагог мәртебесі туралы» Заңдары, педагогтерге оның ішінде методистерге еңбекақы төлеу жүйесіндегі қосымша төлемақылардың жаңа түрлері, сонымен қатар білім жүйесінің құқықтық заңнамалық актілерін, оның ішінде педагогтарды аттестаттау ережесіне енгізілген өзгерістерді түсіндірді.
Сонымен қатар Батыр Әлиев «Әділет» Кәсіподағымен өткізіліп жатқан семинарлар туралы, оның ішінде жеке еңбек дауларын шешу жөніндегі Келісу комиссиясының мүшелеріне арналған семинарлар туралы ақпарат берді.
Іс-шара еркін диалог форматында жүргізілді. Кездесу соңында педагогтар қызықтырған сұрақтарына жауаптарын алды.